HINDI na nagawang kubrahin ng isang senior citizen na babae ang kanyang cash payout makaraan siyang patayin habang naglalakad sa kalsada sa Barangay Pawican, San Jose, Occidental Mindoro umaga ng Linggo, Setyembre 13.

‎‎Ayon sa paunang imbestigasyon ng pulisya, walang nakasaksi sa krimen kung saan natagpuan na lamang ang biktima na wala nang buhay sa gilid ng kalsada at duguan.

Ayon kay Barangay Pawican Chairman Ed Hermoso, galing ng kanilang bahay ang biktima at umalis lamang para pumila sana sa senior citizen payout sa Barangay Natandol.

Nabatid na mag isa lamang na umalis ang biktima. ‎ ‎Patuloy na inaalam ng mga awtoridad kung sino ang may kagagawan ng karumal dumal na krimen.

Umaasa ang pamilya at mga kaanak ng biktima na agad na mabibigyang-katarungan ang sinapit ng kanilang mahal sa buhay.