ISANG 60 taong gulang na lalaki ang nasawi habang nasa loob ng kanyang sasakyan sa kasagsagan ng pagragasa ng tubig baha sa Olongapo City, araw ng Sabado.

Ayon sa inisyal na imbestigasyon, pasado alas 2 ng hapon ng makita ang biktima sa loob ng kanyang kulay asul na MPV na sasakyan at wala na itong buhay ng suriin ng mga rumespondeng rescue and medical team ng City Disaster Risk Reduction and Management Office.

Sinasabing bago ang pangyayari ay huli syang nakita na nag park sa isang gilid ng kalsada sa Otero Avenue, Barangay Mabayuan habang rumaragasa ang tubig baha sa lugar.

Maya maya pa ay biglang tumaas ang baha ng hanggang sa dibdib at lumakas ang daloy ng tubig.

Wala namang nakapansin sa kanya na mga residente at mga taong malapit sa kanyang lokasyon na nanghihingi ito ng saklolo.

Pinaniniwalaan ng mga awtoridad na inatake sa puso ang biktima na kung saan pinasok ang kanyang sasakyan ng baha at hindi na nagawang iligtas ang sarili