ISANG bangkay ng hindi pa nakikilalang babae ang natagpuan sa loob ng refrigerator sa inuupahan nitong apartment sa Rodriguez, Rizal, nitong Miyerkoles ng umaga, Setyembre 16, 2026.

Ayon sa pulisya, nitong Setyembre 10, nagtungo ang may-ari ng apartment sa unit ng babae upang papirmahin siya sa kontrata, ngunit walang sumasagot mula sa loob.

Ilang araw ang lumipas nang mapansin ng may-ari ang mabahong amoy na nagmumula sa unit.

Dahil dito, agad siyang humingi ng tulong sa mga awtoridad.

Nang pasukin ng mga pulis ang apartment, doon nila natagpuan ang biktima na wala nang buhay at nakasilid sa loob ng refrigerator.

Patuloy na inaalam ng mga imbestigador ang pagkakakilanlan ng babae at kung sino ang huling na kasama nito bago nadiskubre ang karumal dumal na sinapit.

Samantala, nanawagan ang Rodriguez Municipal Police Station sa publiko na tumulong sa pagkilala sa biktima.